Hadiah dari Abba Bapa.

Shalom!  Semoga damai sejahtera dari Tuhan menyertai hidupmu sekarang dan selamanya.

Sa cuma mo sharing apa yang terjadi di hidup sa hari ni...

Ceritanya bermula begini,..Sa suka baca buku dan buku yang lama sudah sa ingin baca bertajuk "Beautiful Uncertainty".. ni buku motivasi untuk orang2 yg single... dan sa berusaha untuk mendapatkan ni buku tapi nda dapat. Sampai pernah terfikir.. nanti bila pigi luar negara, mau pajak banyak2 buku..

Dan.. pada suatu hari iaitu hari ini, sa ternampak seorang kwn yang post kata2 dari sebuah buku yang tidak dinyatakan tajuknya.. tapi mcm sa kenal isi buku tersebut walaupun belum baca. Lalu, sa pigi wasap kawan sa ini tanya pasal tu buku... dan, dia balas "jap sa driving, ada sa mo kasitau ko" wuh. kalau sa ni, bila ada kana cakap "ada sa mo kctau ko" bilang, yang macam rasa ingin tahu tinggi terus bah. Skali tunggu punya tunggu. Masa ddk di bigmoral, kawan sa ni pun wsap sa..dia kctau sesuatu..

Dibilang, masa dia baca tu buku slalu tekeluar nama sa di fikiran dia. Lalu dia tanya Tuhan, betulkah mau bagi ni buku sama si vion. Tapi kalau bagi begitu sja mcm lain pula dibilang. Jadi bila sa sudah wsap pasl tu buku tanya dia, dia ckp, dia tidak percaya pada kebetulan.. memang rencana Tuhan untuk semua yang jadi. Masa sa bewasap tu, sa punya hati sangat tersentuh, sa dapat rasa kasih dari Tuhan melalui kawan sa ini. Mata sa berair dan sa x dapat tahan hati sa untuk menangis sebab pekerjaan Tuhan dalam hati sa.

Sa dapat rasa bahwa Tuhan tahu hati sa mau tu buku lama sebelumnya.. dan sa rasa Tuhan sangat suwit. Apa yang x pernah sa fikirkan itu yg Dia sediakan untuk sa. 

dan... ni ayat2 yang kawan sa bagi sa,

" I know the struggle of being broken and single, but thank you for trusting God and never lose hope "

Doa:
Tuhan, terima kasih untuk pekerjaanMu dalam hidup sa. Sa bersyukur untuk apa yang Kau lakukan dalam hidup sa khsusnya pada hari ini. Terima kasih untuk sahabat yang Engkau letakkan dalam hidup sa. Sa bersyukur juga untuk sahabat saya yang mau memberi bukunya untuk saya. Sa doakan agar Tuhan pakai dia untuk memberkati lebih ramai lagi anak2 Mu di luar sana.. yang belum mengeri apakah tujuan hidup ini. Tuhan, trima kasih untuk kejutan yang indah ini. Sa tidak tahu bagaimana mengungkapkan perasaan terharu sa, tapi sa percaya Tuhan tahu apa dalam hati sa. Sa berdoa juga Tuhan pada season of singleness ni sa dapat memaksimakan potensi yang ada pada diri saya untuk melakukan rencanaMu dalam hidup sa. Buatlah sa mengerti kehendak-Mu dalam hidup sa dan berikan sa kekuatan hikmat kebijaksanaan untuk melakukannya. Trima kasih Tuhan. Semua ini sa doa dalam nama Yesus, Tuhan dan juruselamat hidup sa. Amen!!